തിരുവമ്പാടി: ഇരുവഴിഞ്ഞിപ്പുഴയിൽ അത്തിപ്പാറ ചുള്ളിക്കാട്ട് കടവിൽ കുളിക്കാനിറങ്ങിയ യുവാവ് ഒഴുക്കിൽപെട്ടു മരിച്ചു. പാലക്കടവ് വയലിൽ പരേതനായ മധുവിൻെറ മകൻ രഞ്ജിത്ത് (21) ആണ് മരിച്ചത്. ശനിയാഴ്ച ഉച്ചക്ക് രണ്ടരയോടെയാണ് അപകടം. തിരുവമ്പാടി ഗവ. ഐ.ടി.ഐ വിദ്യാർഥിയാണ്. മുക്കത്തു നിന്നെത്തിയ അഗ്നിശമനസേനയും നാട്ടുകാരും ചേർന്ന് നടത്തിയ തിരച്ചിലിൽ മൂന്നുമണിയോടെയാണ് മൃതദേഹം കണ്ടെത്തിയത്. തിരുവമ്പാടി പൊലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് പോസ്റ്റ്മോർട്ടത്തിനയച്ചു. മാതാവ്: സീതാലക്ഷ്മി. സഹോദരിമാർ: മഞ്ജു, രഞ്‌ജു. സജിത പുന്നശ്ശേരി: മൂത്തേടത്ത് കണ്ടി പരേതനായ ഗോപാലൻെറ ഭാര്യ എളമ്പിളക്കാട്ട് രാരോത്ത് സജിത നിര്യാതയായി. മക്കൾ: സജിൽ (വെൽഡ് ആർക്, മംഗലാപുരം), സജിന (മലബാർ ഐ ഹോസ്പിറ്റൽ, എരഞ്ഞിപ്പാലം). മരുമക്കൾ: ലാലി (സതേൺ റെയിൽവേ, മംഗലാപുരം), ശ്രീജിത്ത്‌ (മാനേജിങ് പാർട്ണർ, ടൈൽസ്മാൻ, കോഴിക്കോട്).
