അഗളി: കാട്ടാനയുടെ ആക്രമണത്തിൽ അട്ടപ്പാടിയിൽ ആദിവാസി ഊരുമൂപ്പൻ കൊല്ലപ്പെട്ടു. വണ്ണാന്തുറ ഊരുമൂപ്പനായ ചിന്നനെഞ്ചനാണ് (70) മരിച്ചത്. ഊരിനോട് ചേർന്നുള്ള വനത്തിൽ ആടുകളെ മേക്കാൻ ശനിയാഴ്ച പോയതായിരുന്നു. വൈകുന്നേരത്തോടെ ആടുകൾ ഊരിലേക്ക് മടങ്ങിയെത്തിയെങ്കിലും ചിന്നനെഞ്ചനെ കാണാതായി. ഞായറാഴ്ച പുലർച്ച വനമേഖലയിൽ നടത്തിയ തിരച്ചിലിലാണ് നെഞ്ചൻെറ മൃതദേഹം ആനയുടെ ആക്രമണമേറ്റ നിലയിൽ കണ്ടെത്തിയത്. തൊട്ടടുത്ത കുറ്റിക്കാട്ടിൽ ആന പിന്മാറാതെ നിലയുറപ്പിച്ചിരുന്നു. വനംവകുപ്പ് ഉദ്യോഗസ്ഥരും പൊലീസും സ്ഥലത്തെത്തി മേൽനടപടികൾ സ്വീകരിച്ചു. pd2 chinnanenchan 70 ചിന്നനെഞ്ചൻ
