കുന്ദമംഗലം: വീട്ടിൽ ക്വാറൻറീനിൽ കഴിഞ്ഞിരുന്ന മധ്യവയസ്കൻ മരിച്ചു. കാരന്തൂർ പാറക്കടവ് പാലത്തിന് സമീപം വാടക വീട്ടിൽ താമസിക്കുന്ന പറമ്പിൽ ബസാർ സ്വദേശി മുഹമ്മദലി (48) ആണ് മെഡിക്കൽ കോളജ് ആശുപത്രിയിൽ മരിച്ചത്. മൂത്രാശയ സംബന്ധമായ രോഗത്തെ തുടർന്ന് ചികിത്സയിലായിരുന്നു. കഴിഞ്ഞ ദിവസം ഇദ്ദേഹത്തിൻെറ ഭാര്യയുടെ മാതാവും, ഭാര്യാ സഹോദരിയും മരിച്ചിരുന്നു. ഇവരുടെ കോവിഡ് പരിശോധന ഫലം പോസിറ്റിവ് ആയതിനാൽ വീട്ടിൽ നിരീക്ഷണത്തിലായിരുന്നു. ഇദ്ദേഹത്തിൻെറ സ്രവം പരിശോധനക്കായി ശേഖരിച്ചിട്ടുണ്ട്. ഭാര്യ: ഷമീറ. മക്കൾ: താരിഖ്, ഷാദിയ, ജുമാന. മരുമക്കൾ: അർഷാദ് (പറമ്പത്ത്).
