KTD joseph 74 changanassery ചങ്ങനാശ്ശേരി: വാഴൂര്‍ റോഡിലെ മാമ്മൂടിനുസമീപം കൊച്ചുറോഡില്‍ ഓട്ടോറിക്ഷയും ടോറസ് ലോറിയും കൂട്ടിയിടിച്ച് ഓട്ടോ യാത്രക്കാരനായ ഗൃഹനാഥന്‍ മരിച്ചു. ഓട്ടോ ഓടിച്ച മകന് ഗുരുതര പരിക്കേറ്റു. മാമ്മൂട് മാന്നില എസ്.സി കവലക്കുസമീപം കട്ടച്ചിറ ഭാഗത്ത് മുള്ളന്‍കുഴി പി.സി. ജോസഫാണ് (ജോയിച്ചന്‍ -74) മരിച്ചത്. മകന് ജിജോക്കാണ് (42) പരിക്കേറ്റത്. ചങ്ങനാശ്ശേരി ഭാഗത്തുനിന്ന് കറുകച്ചാല്‍ ഭാഗത്തേക്ക് പോവുകയായിരുന്ന ടോറസും ഇതേ ദിശയില്‍ സഞ്ചരിച്ചിരുന്ന ഓട്ടോയുമാണ് അപകടത്തിൽപെട്ടത്. ബുധനാഴ്ച വൈകീട്ട് നാലിനാണ് അപകടം. പരിക്കേറ്റ ജോസഫിനെയും ജിജോെയയും ചെത്തിപ്പുഴ സൻെറ് തോമസ് ആശുപത്രിയില്‍ എത്തിച്ചെങ്കിലും ജോസഫ് മരിച്ചു. സംസ്‌കാരം പിന്നീട്. മാടപ്പള്ളി പഞ്ചായത്തിലെ കട്ടച്ചിറ ജലനിധി പദ്ധതി പമ്പ് ഓപറേറ്ററായിരുന്നു ജോസഫ്. ജലനിധി പദ്ധതിക്ക് ജോസഫുതന്നെയാണ് ഭൂമി നൽകിയതും. ജോസഫിൻെറ ഭാര്യ: ലിസമ്മ. മറ്റുമക്കള്‍: ജോജി, ജിന്‍സി, ജിബിന്‍.
