മാനന്തവാടി: കോവിഡ് ബാധിച്ച് ചികിത്സ തേടിയ യുവാവ് കോഴിക്കോട് മെഡിക്കൽ കോളജ് ആശുപത്രിയിൽ മരിച്ചു. ഓട്ടോ ഡ്രൈവറായിരുന്ന പേര്യ സ്വദേശി തുണ്ടത്തിൽ റെജിയാണ് (45) മരിച്ചത്. 17ന് രോഗം സ്ഥിരീകരിച്ച ഇദ്ദേഹത്തെ 25നാണ് മെഡിക്കൽ കോളജ് ആശുപത്രിയിലേക്ക് മാറ്റിയത്. 30ന് നടത്തിയ പരിശോധനയിൽ ഫലം നെഗറ്റിവായിരുന്നു. മറ്റ് ആരോഗ്യപ്രശ്നങ്ങൾ ഉള്ളതുകൊണ്ട് ചികിത്സയിൽ തുടരുകയായിരുന്നു. ഭാര്യ: ജിഷ. മക്കൾ: ബെൻസൻ, ബെനീറ്റ.
