ഉള്ള്യേരി: നെഞ്ചുവേദനയെ തുടർന്ന് സ്വകാര്യ മെഡിക്കൽ കോളജ് ആശുപത്രിയിലേക്ക് തിരിച്ചയാൾ വഴിമധ്യേ മറ്റൊരാശുപത്രിയിൽ കുഴഞ്ഞ് വീണ് മരിച്ചു. അത്തോളി കൊങ്ങന്നൂർ ചക്കുംകുളത്തിൽ ഹംസ (60) ആണ് മരിച്ചത്. മൊടക്കല്ലൂരിലെ സ്വകാര്യ മെഡിക്കൽ കോളജിൽ ഡയാലിസിസിന് പോകേണ്ട ഇദ്ദേഹത്തിന് കരുവണ്ണൂരിലെ മകളുടെ വീട്ടിൽനിന്നാണ് രാവിലെ നെഞ്ചുവേദന അനുഭവപ്പെട്ടത്. യാത്രക്കിടെ രോഗം മൂർച്ഛിച്ചതിനെ തുടർന്ന് ഒപ്പമുണ്ടായിരുന്നവർ ഉള്ള്യേരി മാമ്പൊയിലിലെ സാമൂഹികാരോഗ്യ കേന്ദ്രത്തിൽ എത്തിച്ചു. എന്നാൽ, വാഹനത്തിൽനിന്ന് ഇറങ്ങിയ ഉടൻ കുഴഞ്ഞു വീഴുകയായിരുന്നു. തിങ്കളാഴ്ച കാലത്ത് പത്തു മണിയോടെയാണ് സംഭവം. ഇദ്ദേഹത്തിൻെറ കോവിഡ് പരിശോധന ഫലം നെഗറ്റീവ് ആണ്. പോസ്റ്റുമോർട്ടത്തിന് ശേഷം ചൊവ്വാഴ്ച ഖബറടക്കും. ഭാര്യ: സഫിയ. മക്കൾ: ജറീഷ്, റമീസ്, റംഷിന. മരുമക്കൾ: നവാസ്, റംഷിന, ജൈസിന. ചീരു ആയഞ്ചേരി: കോട്ടപ്പള്ളിയിലെ പെരുവന ചീരു (90) നിര്യാതയായി. സഹോദരി: ചിരുത.
