വേങ്ങര: കണ്ണമംഗലം എരണിപ്പടി സ്വദേശിയും കോഴിക്കോട് കക്കട്ടിൽ താമസക്കാരനുമായ പള്ളിയാളി മരക്കാർ കുട്ടി (70) കോവിഡ് ബാധിച്ച് മരിച്ചു. ഹൃദയസംബന്ധമായ അസുഖങ്ങൾക്ക് ചികിത്സയിലായിരുന്ന ഇദ്ദേഹം കോഴിക്കോട് മെഡിക്കൽ കോളജ് ആശുപത്രിയിലേക്കുള്ള യാത്രാമധ്യേയാണ് മരിച്ചത്. നേരേത്ത കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. ഇവിടെനിന്നുള്ള കോവിഡ് ടെസ്റ്റിൽ പോസിറ്റിവ് ആയതോടെ മെഡിക്കൽ കോളജിലേക്ക് റഫർ ചെയ്യുകയായിരുന്നു. എന്നാൽ, മെഡിക്കൽ കോളജിലേക്കുള്ള യാത്രാമധ്യേ മരിച്ചുവെന്ന് ബന്ധുക്കൾ പറഞ്ഞു. അതിനിടെ കോവിഡ് സ്ഥിരീകരിച്ച ഇയാളുടെ മകൻ മെഡിക്കൽ കോളജ് ആശുപത്രിയിൽ ചികിത്സയിലാണ്. മൃതദേഹം കണ്ണമംഗലം എടക്കാപ്പറമ്പ് ജുമാമസ്ജിദ് ഖബർസ്ഥാനിൽ കോവിഡ് പ്രോട്ടോകോൾ പ്രകാരം ഖബറടക്കി. ഭാര്യമാർ: കദിയുമ്മ, സുഹ്‌റ. മക്കൾ: മുഹമ്മദ്, അബ്ബാസ്, റഷീദ്, കുഞ്ഞിപ്പാത്തൂട്ടി, ഗഫൂർ, ഇസ്മായിൽ, സൗജ, സലീന, സുമിയത്ത്, സമീറ, ജംഷീറ. മരുമക്കൾ: ഫാത്തിമ, അസ്മാബി, മുബീന, ജസ്‌ന, ഇബ്രാഹിം, ഹമീദ്, മരക്കാർ, അഷ്‌റഫ്‌, അസ്‌ലം, ഷൗക്കത്ത്. സഹോദരങ്ങൾ: ബീരാൻ കുട്ടി, ഇത്തീമ, താച്ചുട്ടി, പരേതനായ മുഹമ്മദ് കുട്ടി.
