കൊയിലാണ്ടി: കാറിടിച്ചു പരിക്കേറ്റ് കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്ന ബൈക്ക് യാത്രികൻ മരിച്ചു. നടേരി കാവുംവട്ടം തെറ്റിക്കുന്ന് കഴുത്തു വെട്ടിക്കണ്ടി അനീഷ് (42) ആണ് മരിച്ചത്. കൊയിലാണ്ടി അങ്ങാടിയിലെ പെട്രോൾ പമ്പിനു മുന്നിൽ ആഗസ്റ്റ് മൂന്നിന് രാവിലെ ഏഴരക്കായിരുന്നു അപകടം. കൂടെ യാത്ര ചെയ്തിരുന്ന ഭാര്യ ബവിനക്കും സാരമായി പരിക്കേറ്റിരുന്നു. ഇരുവരെയും മെഡിക്കൽ കോളജ് ആശുപത്രിയിൽ പ്രവേശിപ്പിച്ചതായിരുന്നു. വ്യാഴാഴ്ച രാവിലെയാണ് അനീഷ് മരിച്ചത്. ചാത്തുക്കുട്ടിയുടെയും ചിരുതക്കുട്ടിയുടെയും മകനാണ്. മക്കൾ: അമയ, ശിവന്യ. സഹോദരങ്ങൾ: വിനീത, അനിത.
