ആക്രിക്കടയിൽ മരിച്ചനിലയിൽ
പന്തളം: പന്തളത്ത് ആക്രിക്കടയിൽ തമിഴ്നാട് സ്വദേശി മരിച്ചനിലയിൽ കാണപ്പെട്ടു. പന്തളം കെ.എസ്.ആർ.ടി.സി ബസ് സ്റ്റാൻഡിന് സമീപമുള്ള ആക്രിക്കടയിൽ വെള്ളിയാഴ്ച രാവിലെയാണ് തെങ്കാശി മാവട്ടം മുത്തമ്മാൾപുരം മുത്തുകുമാറിനെ (35) മരിച്ചനിലയിൽ കാണപ്പെട്ടത്. ഇയാൾ പുനലൂരിൽനിന്ന് കഴിഞ്ഞ ദിവസമാണ് പന്തളത്ത് എത്തിയതെന്ന് ബന്ധുക്കൾ പറഞ്ഞു. ആക്രിക്കട നടത്തുന്നവരുടെ ബന്ധുവാണ് യുവാവ്. പന്തളം പൊലീസ് നടപടി സ്വീകരിച്ചു. ഭാര്യ: കൃഷ്ണമ്മാൾ. മക്കൾ: ശിവ, മുഹില.
