കട്ടപ്പന: കാൽവരിമൗണ്ട് കല്യാണത്തണ്ടിലെ പടുതാക്കുളത്തില്‍ യുവാവിനെ മരിച്ചനിലയില്‍ കണ്ടെത്തി. വാഴവര കാരിക്കുഴിയില്‍ ഷിജിയാണ് (39) മരിച്ചത്. മൂന്നുദിവസം മുമ്പ് ഇദ്ദേഹത്തെ കാണാതായിരുന്നു. ഇതേതുടര്‍ന്ന് ബന്ധുക്കള്‍ കട്ടപ്പന പൊലീസില്‍ പരാതി നല്‍കി. ഇന്നലെ ഉച്ചകഴിഞ്ഞ് ബന്ധുക്കളും നാട്ടുകാരും ചേർന്ന് തിരച്ചില്‍ നടത്തുന്നതിനിടെ മൃതദേഹം കണ്ടെത്തുകയായിരുന്നു. നാലുവര്‍ഷം മുമ്പ് ഭാര്യ പിണങ്ങിപ്പോയശേഷം ഷിജി മാനസികവിഷമത്തിലായിരുന്നു. ഒരുവര്‍ഷം മുമ്പും സമാനരീതിയില്‍ വീട്ടില്‍നിന്ന് ഇറങ്ങിപ്പോയ ഷിജിയെ ദിവസങ്ങൾക്കുശേഷമാണ് കണ്ടെത്തിയത്. മൂന്നുദിവസം മുമ്പ് മാനസികാസ്വാസ്ഥ്യം പ്രകടിപ്പിച്ച ഇയാളെ ആശുപത്രിയിലെത്തിച്ച് ചികിത്സ നല്‍കിയിരുന്നു. മൃതദേഹം കട്ടപ്പനയിലെ സ്വകാര്യ ആശുപത്രി മോര്‍ച്ചറിയില്‍. കോവിഡ് പരിശോധനക്കുശേഷം പോസ്റ്റ്മോര്‍ട്ടം നടത്തി ബന്ധുക്കള്‍ക്ക് വിട്ടുകൊടുക്കും. മക്കള്‍: ശ്രീക്കുട്ടന്‍, ശ്രീഹരി.
