നെല്ലിയാമ്പതി: നെല്ലിയാമ്പതി റോഡിൽ ചെറുനെല്ലിക്കടുത്ത് പതിനാലാം മൈലിലുണ്ടായ വാഹനാപകടത്തിൽ ചന്ദ്രാമല എസ്റ്റേറ്റ് ഊത്തുക്കുഴി ഡിവിഷനിൽ ജോലി ചെയ്യുന്ന തൊഴിലാളി സുരേഷ് ബാബു (33) മരിച്ചു. വെള്ളിയാഴ്ച ഉച്ചക്ക് 12ഒാടെ നെന്മാറ ഭാഗത്തേക്ക് സ്കൂട്ടറിൽ പോയ സുരേഷ്ബാബു എതിരേ വന്ന റവന്യു വകുപ്പിൻെറ വാഹനത്തിന് അരിക് കൊടുക്കുന്നതിനിടെ സ്കൂട്ടർ തെന്നി വീണാണ് അപകടമെന്ന് ദൃക്സാക്ഷികൾ പറഞ്ഞു. റോഡിൽ തലയടിച്ച സുരേഷ് ബാബുവിനെ നെന്മാറ ഗവ. ആശുപത്രിയിൽ എത്തിച്ചെങ്കിലും മരിച്ചു. പാടഗിരി പൊലീസ് സ്ഥലത്തെത്തി. സുരേഷ് ബാബുവിൻെറ ഭാര്യ: സജ്ന. മക്കൾ: അക്ഷര, അക്ഷയ.
