കൽപകഞ്ചേരി: രണ്ടര വയസ്സുകാരി വീടിന് മുന്നിലെ തോട്ടിൽ ഒഴുക്കിൽപെട്ട് മരിച്ചു. കല്‍പകഞ്ചേരി മണ്ടായപ്പുറം പൊട്ടേങ്ങൽപടി തൃത്താല ജാഫറിൻെറ മകൾ ആയിശയാണ് മരിച്ചത്. കളിച്ചുകൊണ്ടിരിക്കെ വീടിന് മുന്നിലെ തോട്ടിൽ വീഴുകയായിരുന്നു. ശനിയാഴ്ച ഉച്ചക്ക് മൂന്നോടെ കാണാതായ കുട്ടിക്കുവേണ്ടി നാട്ടുകാർ തിരച്ചിൽ നടത്തുന്നതിനിടെ 300 മീറ്റർ അകലെ നിന്നാണ് കണ്ടെത്തിയത്. കാവപ്പുര പള്ളിക്ക് സമീപം പാലത്തിനടിയിൽ കുരുങ്ങികിടന്ന കുട്ടിയെ ഉടൻ കോട്ടക്കൽ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: ഉമ്മുസൽമ. സഹോദരങ്ങൾ: ജാസിം, ജാനിയ, ജന്ന. ഞായറാഴ്ച പോസ്റ്റ്മോർട്ടത്തിനുശേഷം ഖബറടക്കും.
