പരിക്കേറ്റയാള്‍ മരിച്ചു
കാലടി: നടുവട്ടത്ത് അപകടത്തില്‍ പരിക്കേറ്റ ബൈക്ക് യാത്രക്കാരന്‍ മരിച്ചു.
നടുവട്ടം കുന്നിലങ്ങാടി പള്ളിയാന വീട്ടില്‍ സുധാകരന്‍ നിഖിലാണ് (30) മരിച്ചത്. ശനിയാഴ്ച രാത്രി നടുവട്ടം കവലയിലാണ് അപകടം. കനത്ത മഴയെത്തുടര്‍ന്ന് റോഡിലേക്ക് ഇടിഞ്ഞുവീണ മതില്‍ക്കെട്ടിലിടിച്ചാണ് ബൈക്ക് മറിഞ്ഞത്. തലക്കും നടുവിനും ഗുരുതര പരിക്കേറ്റ് എറണാകുളം മെഡിക്കല്‍ ട്രസ്റ്റില്‍ ചികിത്സയിലിരിക്കെ ഞായറാഴ്ച രാവിലെയാണ് മരിച്ചത്. പൊലീസ് നടപടി പൂര്‍ത്തീകരിച്ചശേഷം മൃതദേഹം ബന്ധുക്കള്‍ക്ക് വിട്ടുകൊടുക്കും. ഭാര്യ: നിത്യ.
