പാണ്ടിക്കാട്: രണ്ടുമാസം പ്രായമായ പെൺകുഞ്ഞുമായി മാതാവ് കിണറ്റിൽ ചാടി. യുവതിയെ രക്ഷിക്കാനാെയങ്കിലും കുഞ്ഞ് മരിച്ചു. പാണ്ടിക്കാട് എറിയാട്ടിലെ തൊടീരി ശിവൻെറ മകൾ ആതിരയാണ് (26) തറവാട്ടുവീട്ടിലെ കിണറ്റിൽ ചാടി ആത്മഹത്യക്ക് ശ്രമിച്ചത്. ഞായറാഴ്ച രാവിലെ 8.30നാണ് സംഭവം. ശബ്ദം കേട്ട് ഓടിയെത്തിയ വീട്ടുകാരും സമീപവാസികളും ആതിരയെ രക്ഷപ്പെടുത്തിെയങ്കിലും കുഞ്ഞ് വെള്ളത്തിനടിയിലേക്ക് താഴ്ന്നുപോയിരുന്നു. കിണറ്റിൽ ധാരാളം വെള്ളമുണ്ടായതും രക്ഷാപ്രവർത്തനത്തിന് തടസ്സമായി. പിന്നീട് മഞ്ചേരിയിൽ നിന്നെത്തിയ അഗ്നിരക്ഷ സേന യൂനിറ്റ്, ട്രോമാകെയർ, സിവിൽ ഡിഫൻറ്സ്, പൊലീസ് വളൻറിയർമാർ എന്നിവർ ചേർന്ന് പത്തോടെയാണ് കുഞ്ഞിൻെറ മൃതദേഹം പുറത്തെടുത്തത്. മഞ്ചേരി മെഡിക്കൽ കോളജ് ആശുപത്രി മോർച്ചറിയിലുള്ള മൃതദേഹം നിയമനടപടികൾക്കുശേഷം തിങ്കളാഴ്ച രാവിലെ എറിയാട്ടിലെ വീട്ടുവളപ്പിൽ സംസ്കരിക്കും. കരുവാരകുണ്ട് സ്വദേശി രാജേഷാണ് ആതിരയുടെ ഭർത്താവ്. പാണ്ടിക്കാട് പൊലീസ് കേസെടുത്ത് അന്വേഷണം തുടങ്ങി.
