കോവിഡ്: പയ്യോളി സ്വദേശി കുവൈത്തിൽ മരിച്ചു പയ്യോളി: കുവൈത്തിൽ കോവിഡ് ബാധിച്ച് പയ്യോളി സ്വദേശി കടലമ്പത്തൂർ കുഞ്ഞബ്ദുല്ല (64) മരിച്ചു. ഞായറാഴ്ച വൈകീട്ട്‌ മിഷിരിഫ്‌ ഫീൾഡ്‌ ആശുപത്രിയിലാണ് മരണം. ഒരു മാസമായി ആശുപത്രികളിൽ ചികിത്സയിലായിരുന്നു. 40 വർഷമായി കുവൈത്ത് ലൈവ്‌ സ്റ്റോക്ക് കമ്പനിയിലെ ഉദ്യോഗസ്ഥനാണ്. ഭാര്യ: ഹൈറുന്നിസ. മക്കൾ: ഷഹറൂസ്‌ (ഫ്രഷ് മാർട്ട്, പയ്യോളി), സഹല. മരുമക്കൾ: നൗഫൽ, ഹുസ്ത. സഹോദരങ്ങൾ: അബൂബക്കർ, ആമിന. മൃതദേഹം കുവൈത്തിൽ ഖബറടക്കും.
