തിരൂരങ്ങാടി: വീടിനടുത്ത . ചെമ്മാട് കുംഭംകടവ് സ്വദേശി കുംഭംകടവത്ത് ജാഫറിൻെറ മകൻ മുഹമ്മദ് ആദിൽ (12) ആണ് മരിച്ചത്. തിങ്കളാഴ്ച ഉച്ചക്ക് 12ഓടെയാണ് സംഭവം. കുട്ടികളുമൊത്ത് വയലിൽ കുളിക്കാൻ ഇറങ്ങിയതായിരുന്നു. കുളിക്കുന്നതിനിടെ വെള്ളത്തിൽ കാണാതായതോടെ മറ്റുള്ളവർ വിവരമറിയിച്ചതിനെ തുടർന്ന് നാട്ടുകാർ നടത്തിയ തിരച്ചിലിൽ മൃതദേഹം കണ്ടെത്തുകയായിരുന്നു. ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. തൃക്കുളം ഗവ. ഹൈസ്കൂൾ ഏഴാം ക്ലാസ് വിദ്യാർഥിയാണ്. മൃതദേഹം തിരൂരങ്ങാടി താലൂക്ക് ആശുപത്രിയിൽ. കോവിഡ്‌ പരിശോധനക്ക് ശേഷം കൈപ്പുറത്താഴം പള്ളി ഖബർസ്ഥാനിൽ ഖബറടക്കും. മാതാവ്: സൈഫുന്നിസ. സഹോദരങ്ങൾ: മുഹമ്മദ് ജവാദ്, ഫാത്തിമ ജെസ്ന, ഫാത്തിമ ഹന്നത്ത്, മുഹമ്മദ് അനസ്.
