കോതമംഗലം: നെല്ലിക്കുഴിയിൽ സ്കൂട്ടർ മറിഞ്ഞ് അംഗൻവാടി അധ്യാപിക മരിച്ചു. 314ൽ താമസിക്കുന്ന നാറാണകോട്ടില്‍ ഫാത്തിമയാണ് (58) മരിച്ചത്. വെള്ളിയാഴ്ച രാവിലെ ഇളമ്പ്ര റോഡിെല ഇടവഴിയിലാണ് അപകടം. കുത്തനെയുള്ള കോണ്‍ക്രീറ്റ് റോഡില്‍ കരിയിലകള്‍ മഴയില്‍ അഴുകി കിടന്നിരുന്നു.വളവ് തിരിക്കുന്നതിനിടെ നിയന്ത്രണം വിട്ട വാഹനം തെന്നി തൊട്ടടുത്ത പറമ്പിലേക്ക് മറിയുകയായിരുന്നു. തൃക്കാരിയൂര്‍ കിളാചിറങ്ങര അംഗൻവാടി അധ്യാപികയും പോസ്റ്റ് ഓഫിസ് മഹിളപ്രധാൻ ഏജൻറുമായിരുന്നു. മകന്‍: ഷെഫീഖ്. മരുമകൾ: ഐഷാബി.
