നെന്മാറ: കോൺഗ്രസ് നേതാവ് കെ.കെ. കുഞ്ഞുമോൻ (59) നിര്യാതനായി. കെ.എസ്.യു ജില്ല സെക്രട്ടറി, കോഴിക്കോട് സർവകലാശാല യൂനിയൻ അംഗം, എക്സിക്യൂട്ടിവ് കമ്മിറ്റി അംഗം, മണ്ഡലം യൂത്ത് കോൺഗ്രസ് പ്രസിഡൻറ്, കോൺഗ്രസ് ബ്ലോക്ക് പ്രസിഡൻറ്, ജില്ല കോൺഗ്രസ് കമ്മിറ്റി അംഗം, അയിലൂർ ഗ്രാമപഞ്ചായത്ത് വൈസ് പ്രസിഡൻറ്, ചിറ്റൂർ ലാൻഡ് ബോർഡ് അംഗം, ഐ.എൻ.ടി.യു.സി ജില്ല സെക്രട്ടറി, പാലക്കാട് ടൂറിസം സഹകരണസംഘം ഡയറക്ടർ എന്നീ നിലകളിൽ പ്രവർത്തിച്ചിരുന്നു. നിലവിൽ നെന്മാറ ബ്ലോക്ക് കോൺഗ്രസ് കമ്മിറ്റി പ്രസിഡൻറും നെന്മാറ അഗ്രികൾചർ ഇംപ്രൂവ്മെൻറ് സൊസൈറ്റി പ്രസിഡൻറും ആയിരുന്നു. കരൾസംബന്ധമായ അസുഖത്തെ തുടർന്ന് ചികിത്സയിലായിരുന്നു. തൃശൂരിലെ സ്വകാര്യ ആശുപതിയിലായിരുന്നു അന്ത്യം. ഭാര്യ: ബീന (അധ്യാപിക, ബെത്ലഹേം കമ്യൂണിറ്റി ഇംഗ്ലീഷ് മീഡിയം സ്കൂൾ, നെന്മാറ). മകൻ: അൻഷിൻ (വിദ്യാർഥി, ഗവ. ലോ കോളജ്, എറണാകുളം). സംസ്കാരം ചൊവ്വാഴ്ച രാവിലെ 11.30ന് കയറാടി സെൻറ് ജോർജ് യാക്കോബയ സുറിയാനി പള്ളിസെമിത്തേരിയിൽ.
