ചങ്ങരംകുളം: ആലങ്കോട് ഗ്രാമപഞ്ചായത്ത് അംഗവും പാവിട്ടപ്പുറം ഒതളൂര്‍ പരേതനായ വളപ്പില്‍ പുരക്കല്‍ കുഞ്ഞെൻറ മകനുമായ സുബ്രഹ്മണ്യന്‍ (61) നിര്യാതനായി. സി.പി.ഐ പൊന്നാനി മണ്ഡലം കമ്മിറ്റി അംഗം, ആലങ്കോട് ലോക്കൽ കമ്മിറ്റി സെക്രട്ടറി, ബി.കെ.എം.യു മലപ്പുറം ജില്ല കമ്മിറ്റി അംഗം എന്നീ സ്ഥാനങ്ങൾ വഹിക്കുന്നു. ചൊവ്വാഴ്ച രാത്രി ഭക്ഷണം കഴിച്ച് കിടന്ന ഇദ്ദേഹം ബുധനാഴ്ച പുലര്‍ച്ച എണീക്കാന്‍ വൈകിയതോടെ വീട്ടുകാര്‍ നോക്കിയപ്പോഴാണ് മരിച്ചനിലയില്‍ കണ്ടത്. ഹൃദയാഘാതമാണ് മരണകാരണം എന്ന് കരുതുന്നു. മൃതദേഹം കോവിഡ് ടെസ്റ്റിന് ശേഷം വീട്ടുവളപ്പില്‍ സംസ്കരിക്കും. മാതാവ്: മുല്ല. ഭാര്യ: ശ്രീമതി. മക്കള്‍: രേഖ,രമ്യ.
