കരിങ്കല്ലത്താണി: ആലിപ്പറമ്പ് എസ്.എം.എ.എം.എല്‍.പി സ്‌കൂളിന് സമീപം പാലോളി ബാപ്പുട്ടി മുസ്ലിയാരുടെ മകൻ ഇഖ്ബാല്‍ (39) വൈദ്യുതാഘാതമേറ്റ് മരിച്ചു. ഒടമല കുന്നിന് സമീപം പാട്ടത്തിനെടുത്ത പൂക്കാട് പാടത്തെ കൃഷിയിടത്തിലാണ് സംഭവം. തിങ്കളാഴ്ച രാവിലെ 11ഒാടെ നാട്ടുകാരാണ് കൃഷിയിടത്തില്‍ മരിച്ച നിലയിൽ കണ്ടെത്തിയത്. കാട്ടുപന്നികള്‍ ചേനക്കൃഷി നശിപ്പിക്കുന്നത് തടയാനായി കെട്ടിയ വൈദ്യുത കമ്പിയില്‍നിന്ന് ഷോക്കേറ്റതാണെന്നാണ് കരുതുന്നത്. മാതാവ്: പരേതയായ സുലൈഖ. ഭാര്യ: സഫിയ. മകന്‍: മുഹമ്മദ് സലാം (മൂന്നാം ക്ലാസ് വിദ്യാര്‍ഥി എം.ഐ.സി ഇംഗ്ലീഷ് മീഡിയം സ്‌കൂള്‍ താഴേക്കോട് കാപ്പുപറമ്പ്). സഹോദരങ്ങള്‍: സുബൈര്‍ (ഗള്‍ഫ്), നസീമ, മറിയ, ബുഷ്‌റ, സുഹാദ.
