നേമം: ഹോട്ടല്‍ തൊഴിലാളിയെ ലോഡ്ജിനുള്ളില്‍ മരിച്ചനിലയില്‍ കണ്ടെത്തി. വിളപ്പില്‍ശാല ക്ഷേത്ര ജങ്ഷനിലെ ഹോട്ടലില്‍ ജോലിചെയ്യുന്ന തഞ്ചാവൂര്‍ സ്വദേശി രാജനാണ് (40) മരിച്ചത്. വിളപ്പില്‍ശാലയിലുള്ള ലോഡ്ജിലെ കിടപ്പുമുറിയില്‍ തിങ്കളാഴ്ച രാവിലെയാണ് ഇയാളുടെ മൃതദേഹം കാണപ്പെട്ടത്. സാധാരണ പുലര്‍ച്ച അഞ്ചിന് ഹോട്ടലില്‍ ജോലിക്കെത്തുന്ന രാജന്‍ തിങ്കളാഴ്ച ആറു കഴിഞ്ഞിട്ടും എത്തിയില്ല. തുടര്‍ന്ന് ഹോട്ടലുടമ ലോഡ്ജിലെത്തി രാജെൻറ മുറിയുടെ ഗ്രില്ലില്‍ തീര്‍ത്ത മുന്‍വാതിലിലൂടെ നോക്കുമ്പോഴാണ് രക്തത്തില്‍ കുളിച്ചുകിടന്ന രാജനെ കണ്ടത്. ഉടന്‍ വിളപ്പില്‍ശാല പൊലീസില് വിവരമറിയിച്ചു. ഹൃദയാഘാതമാകാം മരണകാരണമെന്നാണ് പ്രാഥമിക നിഗമനം. കോവിഡ് വ്യാപനത്തെതുടര്‍ന്ന് കഴിഞ്ഞ എട്ടുമാസമായി നാട്ടില്‍ പോകാതെ ലോഡ്ജിലെ മുറിയില്‍ ഒറ്റക്ക് താമസിച്ചാണ് രാജന്‍ ജോലിക്ക് പോയിരുന്നത്. മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. കോവിഡ് സ്ഥിരീകരിക്കപ്പെട്ടാല്‍ കോവിഡ് പ്രോട്ടോകോള് പ്രകാരം സംസ്‌കാരം നടത്തും. നെഗറ്റിവായാല്‍ മൃതദേഹം ബന്ധുക്കള്‍ക്ക് വിട്ടുനല്‍കും.
