കൂറ്റനാട്: തൃത്താല സ്വദേശി ഒമാനിലെ മസ്കത്തിൽ കോവിഡ് ബാധിച്ച് മരിച്ചു. സൗത്ത് തൃത്താല വീട്ടുപറമ്പിൽ കുഞ്ഞിമുഹമ്മദിെൻറ മകൻ സുലൈമാനാണ് (35) മരിച്ചത്. മസ്കത്ത് സീബിലെ ലുലു ഹൈപ്പർ മാർക്കറ്റിൽ ജോലി ചെയ്തിരുന്ന ഇദ്ദേഹം കോവിഡ് ബാധിച്ച് ഒരു മാസത്തോളമായി ആശുപത്രിയിൽ ചികിത്സയിലായിരുന്നു. കോവിഡ് നിബന്ധനപ്രകാരം മൃതദേഹം ഒമാനില് അടക്കം ചെയ്യും. ഭാര്യ: ഖദീജ. മൂന്ന് മക്കളുണ്ട്.
