തിരുവല്ല : വൃക്ക സംബന്ധമായ അസുഖത്തിന് ചികിത്സയിലായിരുന്ന വയോധികൻ കോവിഡ് ബാധിച്ച് മരിച്ചു. കുറ്റപ്പുഴ ചുമത്ര തോപ്പിൽ മലയിൽ ലക്ഷ്മണൻ (79) ആണ് മരിച്ചത്. തിരുവല്ലയിലെ സ്വകാര്യ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ 25 നാണ് ലക്ഷ്മണന് രോഗം സ്ഥിരീകരിച്ചത്. വെള്ളിയാഴ്ച ഉച്ചയ്ക്ക് ഒന്നരയോടെ മരിച്ചു. ലക്ഷ്മണന് ഒപ്പം തന്നെ കോവിഡ് സ്ഥിരീകരിച്ച ഭാര്യ ശാന്തയെ ജില്ലാ ആശുപത്രിയിലെ കോവിഡ് ചികിത്സാ കേന്ദ്രത്തിലേക്ക് മാറ്റിയിട്ടുണ്ട്. മക്കൾ: സാജൻ, ബിജു, സജി. മരുമക്കൾ: സ്മിത, ലേഖ, സീന.