കൊല്ലം: ബൈപാസിൽ കാറും സ്കൂട്ടറും കൂട്ടിയിടിച്ചുണ്ടായ അപകടത്തിൽ സ്കൂട്ടർ യാത്രികൻ മരിച്ചു. അഷ്ടമുടി വടക്കേകര മേഴ്സി ഹോം തെക്കതിൽ നജിമുദ്ദീൻ (33) ആണ് മരിച്ചത്. കൊല്ലം ബൈപാസിലെ കടവൂർ മങ്ങാട് പാലത്തിൽ ബുധനാഴ്ച രാത്രി 10.15 നായിരുന്നു അപകടം. പള്ളിമുക്കിലെ മെഡിക്കൽ സ്‌റ്റോർ ജീവനക്കാരനാണ്. വീട്ടിലേക്ക് വരുംവഴി എതിർദിശയിൽ വന്ന കാറിടിക്കുകയായിരുന്നു. നാട്ടുകാർ പാലത്തറയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. കാറിൽ സഞ്ചരിച്ചിരുന്നവരുടെ പരിക്ക് ഗുരുതരമല്ലെന്ന് പൊലീസ് പറഞ്ഞു. കിളികൊല്ലൂർ പൊലീസ് കേസെടുത്തു
