എറിയാട്: വീട്ടിൽ ക്വാറൻറീനിൽ കഴിഞ്ഞിരുന്നയാളെ തൂങ്ങി മരിച്ച നിലയിൽ കണ്ടെത്തി. എറിയാട് ചന്തക്ക് പടിഞ്ഞാറ് പാലത്തിങ്കൽ കൃഷ്ണെൻറ മകൻ ഷാജിലാലാണ് (55) മരിച്ചത്. മത്സ്യബന്ധന തൊഴിലാളിയാണ്. കോവിഡ് പരിശോധനയിൽ ഇയാളുടെ ഫലം നെഗറ്റിവാണെന്ന് കണ്ടെത്തി. അഴീക്കോട് ക്ലസ്റ്ററിൽ നിന്ന് കോവിഡ് ബാധിച്ചയാളുടെ പ്രാഥമിക സമ്പർക്കത്തിൽ ഉൾപ്പെട്ടതിനെ തുടർന്ന് കഴിഞ്ഞ മാസം 28 മുതൽ നിരീക്ഷണത്തിലായിരുന്നു. ഞായറാഴ്ച സ്രവ പരിശോധനക്ക് വിധേയനാകാൻ അധികൃതർ നിർദേശിച്ചിരുന്നു. മൃതദേഹം കൊടുങ്ങല്ലൂർ താലൂക്ക് ആശുപത്രിയിൽ പോസ്റ്റ്മോർട്ടത്തിനുശേഷം സംസ്കാരം ഞായറാഴ്ച നടക്കും. ഭാര്യ: അംബിക. മക്കൾ: ഷാലി, ഷാൽബി. മരുമക്കൾ: സത്യൻ, വിമൽ.