ചാലക്കുടി: ചാലക്കുടിയിൽ വൃക്കരോഗത്തെ തുടർന്ന് മരിച്ചയാൾക്ക് കോവിഡ് സ്ഥിരീകരിച്ചു. നഗരസഭ പ്രദേശത്തെ പോട്ട മൂന്നാം വാർഡ് ഹരിത നഗറിൽ പഴേടത്തുപറമ്പിൽ ബെന്നി ചാക്കോക്ക് (48) ആണ് കോവിഡ് പോസിറ്റിവാണെന്ന് കണ്ടെത്തിയത്. ഇദ്ദേഹം ഗുരുതരമായ വൃക്കരോഗത്തെ തുടർന്ന് തൃശൂരിലെ സ്വകാര്യ ആശുപത്രിയിൽ ചികിത്സയിൽ ആയിരുന്നു. വെള്ളിയാഴ്ചയാണ് ഇദ്ദേഹത്തിന് കോവിഡ് സ്ഥിരീകരിച്ചത്. സംസ്കാരം ഞായറാഴ്ച വൈകീട്ട് ചാലക്കുടി നഗരസഭ ക്രിമിറ്റോറിയത്തിൽ നടത്തി. ഭൗതികാവശിഷ്ടം പോട്ട ചെറുപുഷ്പം ദേവാലയത്തിൽ അടക്കം ചെയ്യും.