പത്തനംതിട്ട: പുത്തൻപീടികയിൽ ടിപ്പറും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് വീടിന് സമീപത്ത് മരിച്ചു. പുത്തൻപീടിക കോടാട്ടുമണ്ണിൽ ഫിനാൻസ് ഉടമ റീസിെൻറ മകൻ റിബിൻ കെ. റീസാണ് (22) മരിച്ചത്.തിങ്കളാഴ്ച രാവിലെ ഒമ്പതരയോടെ സെൻറ് മേരീസ് ഓർത്തഡോക്സ് പള്ളിയുടെ പള്ളംഭാഗത്തിനടുത്ത കുരിശടിക്ക് സമീപമാണ് അപകടം. മുട്ടുകുടുക്ക ഭാഗത്തേക്ക് മെറ്റൽ കയറ്റിപ്പോയ ടിപ്പർ ലോറി എതിരെവന്ന റിബിൻ സഞ്ചരിച്ച ബുള്ളറ്റിൽ ഇടിക്കുകയായിരുന്നു. റിബിൻ വീട്ടിൽനിന്ന് ഇറങ്ങി സന്തോഷ് ജങ്ഷൻ ഭാഗത്തേക്ക് വരുകയായിരുന്നു. ടിപ്പറിലിടിച്ച് ബുള്ളറ്റ് തെറിച്ചുപോയി. റിബിൻ ലോറിക്ക് അടിയിൽപെട്ട് തൽക്ഷണം മരിച്ചു. അഗ്നിരക്ഷാസേനയും പൊലീസുമെത്തി ഒരു മണിക്കൂറോളം ശ്രമിച്ചാണ് റിബിനെ പുറത്തെടുത്തത്. മൃതദേഹം പത്തനംതിട്ട ജനറൽ ആശുപത്രിയിൽ പോസ്റ്റ്മോർട്ടം നടത്തി. സംസ്കാരം ബുധനാഴ്ച രാവിലെ 10ന് പ്രക്കാനം തോട്ടുപുറം സെൻറ് മേരീസ് ഓർത്തഡോക്സ് പള്ളി സെമിത്തേരിയിൽ. മാതാവ്: റീനാ റീസ്. സഹോദരൻ: റോമൽ റീസ്. ബംഗളൂരുവിൽ സ്വകാര്യ കമ്പനിയിൽ ജീവനക്കാരനായ റിബിൻ രണ്ടുമാസം മുമ്പാണ് നാട്ടിലെത്തിയത്.