ഓയൂർ: വയറുവേദനയെതുടർന്ന് ചികിത്സയിലിരിക്കെ മരിച്ചയാൾക്ക് കോവിഡ് സ്ഥിരീകരിച്ചു. കുഴിമതിക്കാട് എള്ളുവിള വടക്കതിൽ ശശിധരൻനാണ് (67) സ്രവപരിശോധനയിൽ പോസിറ്റിവായത്. ഞായറാഴ്ച കുണ്ടറ എൽ.എം.എസ് ആശുപത്രിയിൽ ചികിത്സക്കായി കൊണ്ടുവന്ന ഇദ്ദേഹത്തിന് ശ്വാസതടസം ഉണ്ടായതിനെ തുടർന്ന് പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിക്കുകയായിരുന്നു. തുടർന്ന് നടത്തിയ സ്രവപരിശോധനയിൽ തിങ്കളാഴ്ച വൈകീട്ട് ഇയാൾക്ക് കോവിഡ് പോസിറ്റിവാണെന്ന് സ്ഥിരീകരിച്ചു. ചൊവ്വാഴ്ച രാവിലെ വീട്ടുവളപ്പിൽ കോവിഡ് പ്രോട്ടോകോൾ പ്രകാരം സംസ്കരിച്ചു. ഭാര്യ: മീനാക്ഷി. മക്കൾ: വിനോദ്, പ്രമോദ്, മരുമക്കൾ: സൂര്യ, നീതു.
