അമ്പലപ്പുഴ: കാറിടിച്ച് പരിക്കേറ്റ് ചികിത്സയിലിരുന്ന വിദ്യാർഥി മരിച്ചു. അമ്പലപ്പുഴ തെക്ക് ഗ്രാമപഞ്ചായത്ത് കരുമാടി പടിഞ്ഞാറെപറമ്പിൽ അജേഷ് കുമാർ-രാജി ദമ്പതികളുടെ മകൻ അഭിജിത്താണ് (14) മരിച്ചത്. തിരുവോണ ദിവസം സൈക്കിളിൽ പോകുമ്പോൾ കരുമാടിയിൽവെച്ച് സൈക്കിളിടിക്കുകയായിരുന്നു.
തുടർന്ന് വൈക്കത്തെ സ്വകാര്യ ആശുപത്രിയിൽ ചികിത്സയിലായിരുന്ന അഭിജിത്ത് വ്യാഴാഴ്ച രാത്രി മരിച്ചു. കരുമാടി കെ.കെ. കുമാരപിള്ള സ്കൂളിലെ പത്താംക്ലാസ് വിദ്യാർഥിയാണ്. സഹോദരങ്ങൾ: അനിത, അജിത.
