കോട്ടയം: ബൈക്ക് നിയന്ത്രണംവിട്ട് മറിഞ്ഞ് യുവാവ് മരിച്ചു. കുഴിമറ്റം പാറയ്ക്കല്‍ചിറയിൽ പരേതനായ കൊച്ചുമോെൻറ മകന്‍ വിഷ്ണുവാണ് (26) മരിച്ചത്. ഞായറാഴ്ച വൈകീട്ട് ഏഴിന് പരുത്തുംപാറക്ക് സമീപം സദനം കവലയിലായിരുന്നു അപകടം. റോഡില്‍ തലയടിച്ച് ഗുരുതരമായി പരിക്കേറ്റ വിഷ്ണുവിനെ നാട്ടുകാര്‍ ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ടൈല്‍ പണിക്കാരനായിരുന്നു. ഭാര്യ: സുരഭി. മക്കള്‍: ഇശാന്‍ (മൂന്ന്), ഇക്‌സിത് (ഒന്ന്). മൃതദേഹം കോട്ടയം മെഡിക്കല്‍ കോളജ് മോര്‍ച്ചറിയില്‍.
