കൊടുമൺ: പാടശേഖരത്തിൽ ട്രാക്ടർ മറിഞ്ഞ് യുവാവ് മരിച്ചു. കൊടുമൺ ദീപ്തി ഭവനിൽ എൻ.ആർ. പ്രസാദിെൻറയും ജയദേവിയുടെയും മകൻ ദിലീപ് പ്രസാദ് (37) ആണ് മരിച്ചത്. ഞായറാഴ്ച വൈകീട്ട് 3.45ന് രണ്ടാം കുറ്റിക്ക് സമീപം തൂമ്പാമുഖം ഏലായിലാണ് സംഭവം. പാടശേഖരത്തിൽ പുതഞ്ഞ ട്രാക്ടർ കയറ്റാൻ ശ്രമിക്കവെ നിയന്ത്രണം വിട്ട് ശരീരത്തേക്ക് മറിയുകയായിരുന്നു. ദിലീപ് ട്രാക്ടറിന് അടിയിൽപ്പെട്ട് ചളിയിൽ പുതഞ്ഞുപോയി.
പൊലീസും നാട്ടുകാരും ചേർന്ന് രക്ഷപ്പെടുത്താൻ നടത്തിയ ശ്രമം വിഫലമായതിനെ തുടർന്ന് അടൂരിൽനിന്ന് അഗ്നിശമന സേന എത്തിയാണ് ദിലീപിനെ പുറത്തെടുത്തത്. അടൂർ ജനറൽ ആശുപത്രിയിൽ എത്തും മുമ്പ് മരിച്ചു. ഭാര്യ: ജയലക്ഷ്മി (സൗദി). മക്കൾ: ധീരജ്, ദിയ. സഹോദരി: ദീപ്തി.
