വൈക്കം: മുണ്ടുപറമ്പില്‍ (വിപിന്‍ ഭവനില്‍) റിട്ട. അധ്യാപകനും പ്രശസ്ത കാഥികനുമായ വൈക്കം ദാമുമാസ്റ്റര്‍ (74) നിര്യാതനായി. ഫീൽഡ് പബ്ലിസിറ്റി ഇന്ത്യയുടെ സ്ഥിരം കാഥികനായിരുന്നു. വൈക്കം സത്യഗ്രഹ സ്മാരക ആശ്രമ എല്‍.പി സ്‌കൂളില്‍ ദീര്‍ഘകാലം അധ്യാപകനായിരുന്നു. കഥാപ്രസംഗ രംഗത്ത് മികവുപുലര്‍ത്തിയ ഇദ്ദേഹം സാമുദായിക-സാമൂഹിക -സാംസ്‌കാരിക രംഗത്തും ശ്രദ്ധേയനായിരുന്നു.
വൈക്കം എസ്.എന്‍.ഡി.പി യൂനിയൻ ഡയറക്ടര്‍ ബോര്‍ഡ് അംഗം, എസ്.എന്‍.ഡി.പി യോഗം ഇന്‍സ്‌പെക്ടിങ് ഓഫിസര്‍, 1295ാം നമ്പര്‍ ചെമ്മനത്തുകര എസ്.എന്‍.ഡി.പി ശാഖാ പ്രസിഡൻറ്, വൈ-ബയോ ജൈവകര്‍ഷക സൊസൈറ്റി ട്രഷറര്‍ എന്നീ നിലകളിൽ പ്രവർത്തിച്ചിട്ടുണ്ട്. തലയോലപ്പറമ്പ് ഭാരത് സേവക് സമിതിയിലും ദീർഘകാലം പ്രവർത്തിച്ചിരുന്നു. ഭാര്യ: രതി (എരൂര്‍ വെട്ടുവേലില്‍ കുടുംബാംഗം). മകന്‍: ശ്രീജിത്ത് (ഗള്‍ഫ്). മരുമകള്‍: വിനിത. സംസ്‌കാരം ചൊവ്വാഴ്ച ഉച്ചക്ക് രണ്ടിന് വീട്ടുവളപ്പില്‍.
