തളിപ്പറമ്പ്: മുതിർന്ന മുസ് ലിം ലീഗ് നേതാവും തളിപ്പറമ്പിലെ ചന്ദ്രിക ലേഖകനുമായ എം. ഹുസൈൻ മാസ്റ്റർ(68) നിര്യാതനായി. വയനാട് ഓടത്തോട് സ്വദേശിയാണ്. ദീർഘകാലം ചപ്പാരപ്പടവ് പൂണങ്കോട് എ.എൽ.പി സ്കൂൾ അധ്യാപകനായിരുന്നു. മുസ് ലിം ലീഗ് തളിപ്പറമ്പ് മണ്ഡലം പ്രസിഡൻറ്, ജനറൽ സെക്രട്ടറി, യൂത്ത് ലീഗ് മണ്ഡലം പ്രസിഡൻറ്, തളിപ്പറമ്പ് ബ്ലോക്ക് പഞ്ചായത്ത് മെമ്പർ, തളിപ്പറമ്പ് പ്രസ് ഫോറം പ്രസിഡൻറ്, കെ.എ.ടി.എഫ് കണ്ണൂർ വിദ്യാഭ്യാസ ജില്ലാ പ്രസിഡൻറ്, തളിപ്പറമ്പ് സി.എച്ച് സെൻറർ വൈസ് പ്രസിഡണ്ട്, കൂവേരി സർവീസ് സഹകരണ ബാങ്ക് ഡയറക്ടർ എന്നീ നിലകളിൽ പ്രവർത്തിച്ചിട്ടുണ്ട്. ഭാര്യ: അലീമ (അരിപ്പാമ്പ്ര). മക്കൾ: സഈദ് (ബിസിനസ്, കോഴിക്കോട്), നജീബ് (അധ്യാപകൻ, കുഞ്ഞിമംഗലം ഗോപാൽ യു.പി സ്കൂൾ), ആഷിഖ്(അധ്യാപകൻ, കൂനം എ.എൽ.പി സ്കൂൾ), ഷഫീഖ് (സ്റ്റാഫ്, തളിപ്പറമ്പ് സർ സയ്യിദ് കോളേജ്), നാസിം(ബംഗളൂരു). മരുമക്കൾ: സുമയ്യ, ഖദീജ, സുബൈദ, റഹീന, അർഫീന.
