പുളിക്കല്‍: ദേശീയ പാതയില്‍ കുറിയോടം ഐസ് പ്ലാൻറിന് സമീപം വൈദ്യുതി ലൈനിലെ പ്രവൃത്തിക്കിടെ കരാര്‍ തൊഴിലാളി ഷോക്കേറ്റ് മരിച്ചു. പാണ്ടിക്കാട് കൊടശ്ശേരി മരാട്ടപ്പടിയിലെ എറിയാടന്‍ കുഞ്ഞാറയുടെ മകന്‍ അബ്ദുല്‍ മുനീര്‍ (40) ആണ് മരിച്ചത്.
വ്യാഴാഴ്ച ഉച്ചയോടെയാണ് സംഭവം. പ്രദേശത്ത് ലൈന്‍ മാറ്റി സ്ഥാപിക്കുന്ന പ്രവൃത്തി നടന്നുവരികയാണ്. വൈദ്യുതി തൂണിന് മുകളില്‍ നിന്ന് ജോലി ചെയ്യുന്നതിനിടെ ഷോക്കേറ്റ് ലൈനില്‍ കുടുങ്ങുകയായിരുന്നു. സംഭവം കണ്ട് ഓടിക്കൂടിയ നാട്ടുകാരും മറ്റു തൊഴിലാളികളും ചേര്‍ന്ന് താഴെ ഇറക്കി ഉടനെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യ: സബ്‌ന. മക്കള്‍: അജ്‌വിദ്, അജ്‌ന.
