കോവളം: ടിപ്പർ സ്കൂട്ടറിലിടിച്ചുണ്ടായ അപകടത്തിൽ പരിക്കേറ്റയാൾ മരിച്ചു. മുട്ടയ്ക്കാട് തുലവിളറോഡിൽ ലൂഥറൻ പള്ളിക്ക് സമീപം പണ്ടാര വിളാകത്ത് വീട്ടിൽ അനിൽകുമാർ (44) ആണ് മെഡിക്കൽ കോളജ് ആശുപത്രിയിൽ മരിച്ചത്. ബുധനാഴ്ച രാവിലെ മുട്ടക്കാട് ചിറയിൽ കുളം ബണ്ട് റോഡിന് സമീപമായിരുന്നു അപകടം. കറവത്തൊഴിലാളിയായ അനിൽകുമാർ മുട്ടയ്ക്കാട് ഭാഗത്ത് കറവ കഴിഞ്ഞശേഷം ഇടറോഡിൽനിന്ന് ആഴാകുളം റോഡിലേക്ക് സ്കൂട്ടറിൽ വരുമ്പോൾ എതിരെ വന്ന ടിപ്പർ സ്കൂട്ടറിൽ ഇടിക്കുകയായിരുന്നു.
നടപടികൾ പൂർത്തിയാക്കി മൃതദേഹം ബന്ധുക്കൾക്ക് വിട്ടുനൽകിയതായും അപകടത്തിനിടയാക്കിയ ലോറി കസ്റ്റഡിയിലെടുത്തതായും കോവളം പൊലീസ് പറഞ്ഞു. ഭാര്യ: ഷൈനി. മക്കൾ: അർച്ചന, ഗൗരി.