മങ്കട: തേങ്ങ തലയില് വീണ് പരിക്കേറ്റ് ചികിത്സയിലായിരുന്ന വിദ്യാര്ഥി മരിച്ചു. കൂട്ടില് സ്വദേശി കുന്നശേരി നവാസിെൻറ മകന് ആത്തിഫ് (13) ആണ് മരിച്ചത്.
ചേരിയം ഗവ. ഹൈസ്കൂളിലെ എട്ടാം ക്ലാസ് വിദ്യാര്ഥിയായിരുന്നു. വ്യാഴാഴ്ച വീട്ടുവളപ്പിലെ തെങ്ങില് നിന്ന് തേങ്ങ ഇടുന്ന സമയത്ത് അറിയാതെ ആ വഴി പോയ ആത്തിഫിെൻറ തലയിലേക്ക് ഇളനീര് വീഴുകയായിരുന്നു. തെങ്ങില് കേറുന്ന സമയത്ത് കുട്ടികളെയെല്ലാം വീടിനകത്ത് ആക്കിയിരുന്നെങ്കിലും ആത്തിഫ് ആ സമയം കടയില് പോയതായിരുന്നു. കടയില് നിന്ന് തിരിച്ചെത്തി വസ്ത്രം മാറി അടുത്ത പ്രദേശത്ത് നടക്കുന്ന കാളപൂട്ട് കാണാന് പോകുന്നതിനിടെയാണ് അപകടം. പെരിന്തല്മണ്ണയിലെയും തുടര്ന്ന് കോഴിക്കോട്ടെയും സ്വകാര്യ ആശുപത്രികളില് ചികിത്സയിലായിരുന്നു.
മാതാവ്: കെ.ടി. ആയിഷാബി. സഹോദരങ്ങള്: മുഹമ്മദ് അല്ത്താഫ്, അല്ഫ ഫാത്തിമ.