ശംഖുംമുഖം: വിദേശത്ത് നിെന്നത്തിയ യുവാവിനെ ഭാര്യാപിതാവ് കുത്തിക്കൊന്നു. ടൈറ്റാനിയം വെട്ടുകാട് ടി.സി 90/1210 പുതുവിളാകം ഹൗസിൽ ലോറൻസിെൻറ മകൻ ലിജിൻ ലോറൻസ് (33) ആണ് കുത്തേറ്റ് മരിച്ചത്. ആഗസ്റ്റ് രണ്ടിന് വിദേശത്തുനിന്നെത്തി ക്വാറൻറീൻ കഴിഞ്ഞ ലിജിെന ഭാര്യയുടെ വീട്ടിലേക്ക് വെളിയാഴ്ച രാത്രി ഒമ്പതിന് വിളിച്ചുവരുത്തുകയായിരുന്നു. ഭാര്യാപിതാവ് നിക്കോളാസും ബന്ധുവും നിരവധി കേസിൽ പ്രതിയുമായ സന്തോഷും ചേർന്ന് ലിജിനോട് തർക്കിച്ചു. ഈ സമയം നിക്കോളാസ് ലിജിെൻറ കഴുത്തിൽ കുത്തുകയായിരുന്നു. സംഭവുമായി ബന്ധപ്പെട്ട് ഭാര്യാപിതാവ് നിക്കോളാസിനെ വലിയതുറ പൊലീസ് കസ്റ്റഡിയിലെടുത്തു. കുടുംബവഴക്കാണ് കൊലപാതകകാരണമെന്ന് നാട്ടുകാർ പറയുന്നു. വിദേശത്ത് കഴിയുമ്പോഴും സന്തോഷ് ഫോണിൽ വിളിച്ച് ഭീഷണിപ്പെടുത്തിയിരുന്നതായി ലിജിൻ സുഹൃത്തുക്കളോട് പറഞ്ഞിരുന്നു. മൃതദേഹം മെഡിക്കൽ കോളജിൽ പോസ്റ്റ്മോർട്ടത്തിന് ശേഷം വെട്ടുകാട് പള്ളിയിൽ സംസ്കരിച്ചു. ഭാര്യ: നിഷ ഗോമസ്. മക്കൾ: ആൻഡ്രിയ (6), അമീലിയ (ഒന്ന്).