ചാലക്കുടി /മോങ്ങം: ദേശീയപാതയിൽ പോട്ടയിൽ ലോറിയിടിച്ച് ബൈക്ക് യാത്രക്കാരൻ മരിച്ചു. മലപ്പുറം മൊറയൂർ ചക്കുംപുറം വീട്ടിൽ സഹദേവെൻറ മകൻ അഭിനന്ദാണ് (29) മരിച്ചത്. കൂടെയുണ്ടായിരുന്ന മദാലങ്ങൽ സുബ്രഹ്മണ്യെൻറ മകൻ ജിതിന് (23) പരിക്കേറ്റു. കഴിഞ്ഞദിവസം രാത്രി 12.40ന് സുന്ദരിക്കവലയിൽ പോട്ട മേൽപാലം ഇറങ്ങിവരുന്ന ഭാഗത്തായിരുന്നു അപകടം. ഇരുവരും മലപ്പുറത്തുനിന്ന് എറണാകുളത്തേക്ക് ബൈക്കിൽ പോവുകയായിരുന്നു. മേൽപാലം ഇറങ്ങിവരുമ്പോൾ ഇവരുടെ ബൈക്കിന് പിന്നിൽ ലോറി ഇടിക്കുകയായിരുന്നു.
തൃശൂർ മെഡിക്കൽ കോളജ് ആശുപത്രിയിലാണ് അഭിനന്ദ് മരിച്ചത്. പരിക്കേറ്റ ജിതിൻ ചാലക്കുടി താലൂക്ക് ആശുപത്രിയിൽ ചികിത്സയിലാണ്.മാതാവ്: സുമതി, സഹോദരങ്ങൾ: അഭിജിത്ത്, അനുവിസ്മയ.
