തൃശൂർ: നഗരത്തിൽ ബൈക്കുകൾ കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. അത്താണി കെൽട്രോൺ നഗറിൽ വട്ടംകുളങ്ങര വീട്ടിൽ പരേതനായ രാമകൃഷ്ണ‍െൻറ മകൻ രാകേഷ് (25) ആണ് മരിച്ചത്. കോവിലകത്തും പാടത്ത് രാവിലെ ഒമ്പതരയോടെയായിരുന്നു അപകടം. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കോഴിക്കോട് ഗവ. ലോ കോളജിലെ രണ്ടാം വർഷ എൽ.എൽ.ബി. വിദ്യാർഥിയാണ് രാകേഷ്. സുഹൃത്തും വെൽഡിങ് ജോലിക്കാരനുമായ പൂമല സ്വദേശി ഇമ്മാനുവല്ലിെൻറ ബൈക്കിൽ ജോലിക്ക് സഹായിയായി പോവുകയായിരുന്നു. തിരൂർ കിഴക്കേ അങ്ങാടി മാപ്രാണത്ത് വീട്ടിൽ ലിലിനും ഭാര്യ ശിൽപയും സഞ്ചരിച്ച ബൈക്കും രാകേഷും സുഹൃത്തും സഞ്ചരിച്ച ബൈക്കും കൂട്ടിയിടിക്കുകയായിരുന്നു. ദമ്പതികളെ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ഇമ്മാനുവല്ലിനു കാര്യമായ പരിക്കുകളൊന്നുമില്ല. മൂന്ന് മാസം മുമ്പാണ് രാകേഷിെൻറ പിതാവ് രാമകൃഷ്ണൻ മരിച്ചത്. മാതാവ്: ബിന്ദു. സഹോദരൻ: ബിനേഷ്.
