കുറ്റ്യാടി: സർവിസസ് മുൻ വോളിബാൾ താരവും കസ്റ്റംസ് സെക്യൂരിറ്റി റിട്ട. ഉദ്യോഗസ്ഥനുമായ ഒ.പി. ഗംഗാധരൻ (86) നിര്യാതനായി. പതിനഞ്ചു െകാല്ലം ഇന്ത്യൻ ആർമിക്കുവേണ്ടിയും അഞ്ച് കൊല്ലം സർവിസസിനു വേണ്ടി ദേശീയ മത്സരങ്ങളിലും ജഴ്സിയണിഞ്ഞു. 1977ൽ െകാൽക്കത്തയിൽ നടന്ന ദേശീയ സീനിയർ വോളിബാൾ ചാമ്പ്യൻഷിപ്പിൽ ഗംഗാധരെൻറ നേതൃത്വത്തിലുള്ള സർവിസസ് ടീം ഇന്ത്യൻ റെയിൽവേയെ തോൽപിച്ച് വിജയികളായിരുന്നു. തുടർന്ന്് ഇന്ത്യൻ ടീമിെൻറ കോച്ചിങ് ക്യാമ്പിലേക്ക് തെരെഞ്ഞടുക്കപ്പെെട്ടങ്കിലും അക്കൊല്ലം ക്യാമ്പ് നടക്കാത്തതിനാൽ ഇന്ത്യൻ ടീമിൽ കളിക്കാൻ അവസരം ലഭിച്ചില്ല. വിദ്യാർഥിയായിരിക്കെ തുടർച്ചയായി മൂന്നു കൊല്ലം സംസ്ഥാന സ്കൂൾ ടീമിൽ ദേശീയ മത്സരങ്ങളിൽ പെങ്കടുത്തു. ഭാര്യ: സത്യപ്രഭ. മക്കൾ: സിംജ, സജിഷ. മരുമക്കൾ: ജയകുമാർ, ഷജിത്ത് .സഹോദരങ്ങൾ: ലക്ഷ്മിക്കുട്ടി, കമല, പരേതായ മീനാക്ഷി.
