പറവൂർ: ലോറിയിടിച്ച് സൈക്കിൾ യാത്രികൻ മരിച്ചു. പറവൂത്തറ കുമാരമംഗലം പള്ളിപ്പറമ്പിൽ പി.എൻ. സഹദേവനാണ് (72) മരിച്ചത്. ആലുവ-പറവൂർ റോഡിൽ ശനിയാഴ്ച വൈകീട്ട് നാലരയോടെ ചേന്ദമംഗലം കവലക്ക് സമീപത്തുള്ള സി.സി ടവർ ഹോട്ടലിന് മുന്നിലായിരുന്നു അപകടം.
നന്തികുളങ്ങരയിലെ ക്ഷീരസംഘത്തിൽ പാൽ കൊടുത്തശേഷം വീട്ടിലേക്ക് മടങ്ങിയ സഹദേവൻ സൈക്കിളിൽ റോഡ് മുറിച്ചുകടക്കുന്നതിനിടെ ലോറി ഇടിക്കുകയായിരുന്നു. സംഭവസ്ഥലത്ത് മരിച്ചു. സംസ്കാരം ഞായറാഴ്ച നാലിന് തോന്ന്യകാവ് ശ്മശാനത്തിൽ. ഭാര്യ: രാജി. മക്കൾ: സന്ദീപ് (അഗ്നിരക്ഷാകേന്ദ്രം, പറവൂർ), സൗമ്യ. മരുമക്കൾ: അനൂജ, രാജേഷ്.
