നെടുങ്കണ്ടം: ചോറ്റുപാറ പൈലിക്കാനത്ത്് മരംവെട്ട് തൊഴിലാളി ജോലിക്കിടയിൽ മരം തലയിൽവീണ് മരിച്ചു. തൂക്കുപാലം മഞ്ജനമേട് കരിമ്പനക്കൽ (കൊക്കാരയിൽ) ബെന്നി ഫിലിപ്പാണ് (51) മരിച്ചത്. പൈലിക്കാനത്ത് സ്വകാര്യ വ്യക്തിയുടെ പുരയിടത്തിൽ മെഷീൻ വാൾ ഉപയോഗിച്ച് മുറിച്ചുകൊണ്ടിരുന്നപ്പോൾ മരം ശരീരത്തിൽ പതിക്കുകയായിരുന്നു. ശനിയാഴ്ച വൈകീട്ട് അഞ്ചോടെയായിരുന്നു അപകടം. ഉടൻ കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: ജെസിമോൾ. മക്കൾ: ജോബിൻ, ജോസ്ന. മരുമകൻ: സോണി.
