കോട്ടയം: പുതുപ്പള്ളി ഇരവിനല്ലൂരിൽ പാടത്ത് വയോധികനെ മരിച്ചനിലയിൽ കണ്ടെത്തി. ചങ്ങനാശ്ശേരി പെരുന്ന കൃഷ്‌ണശ്രീയിൽ എൻ.പി. മോഹനൻ പിള്ളയുടെ (70) മൃതദേഹമാണ് കണ്ടെത്തിയത്. ഞായറാഴ്ച രാവിലെ ഏഴരയോടെ ഇരവിനല്ലൂർ ഷാപ്പിനു സമീപത്തെ പാടശേഖരത്തിലാണ് മൃതദേഹം കണ്ടെത്തിയത്.
ശനിയാഴ്‌ച ഉച്ചമുതൽ ഇദ്ദേഹത്തെ കാണാനില്ലെന്ന് ബന്ധുക്കൾ ചങ്ങനാശ്ശേരി പൊലീസിൽ പരാതി നൽകിയിരുന്നു. മൃതദേഹം മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. സംസ്‌കാരം പിന്നീട്.
