കിടങ്ങൂർ: ഏറ്റുമാനൂർ-പാലാ ഹൈവേയിൽ കിടങ്ങൂർ കനറാ ബാങ്കിന് സമീപം ഇലക്ട്രിക് സ്കൂട്ടറിൽ ബൈക്കിടിച്ച് റിട്ട. അധ്യാപകൻ മരിച്ചു.
കിടങ്ങൂർ പാഴൂക്കുന്നേൽ പി.ടി. ജോസഫാണ് (77) മരിച്ചത്. പിറയാർ ഗവ. എൽ.പി സ്കൂൾ റിട്ട. അധ്യാപകനാണ്. തിങ്കളാഴ്ച രാവിലെ 9.30നായിരുന്നു അപകടം.
ടൗണിൽ സാധനങ്ങൾ വാങ്ങാനെത്തിയ ജോസഫ് റോഡിൽ സ്കൂട്ടർ തിരിക്കുന്നതിനിടെ എതിർദിശയിൽ വന്ന ബൈക്കിടിക്കുകയായിരുന്നു. മറിഞ്ഞുവീണ സ്കൂട്ടറിൽ മറ്റൊരു ബൈക്കിടിച്ച് യാത്രക്കാരനും പരിക്കേറ്റു. തലയടിച്ച് വീണ ജോസഫിനെ ആശുപത്രിയിലെത്തിച്ചെങ്കിലും മരിച്ചു. ഭാര്യ: അന്നമ്മ ജോസഫ്. മക്കൾ: പ്രവീൺ, പ്രദീപ്, പരേതയായ പ്രീതി, പ്രിൻസ്. മരുമക്കൾ: ഷൈബി, സുനി, ഷാജൻ, ജെഫി.
