പൊൻകുന്നം: തെക്കേത്തുകവല ചിറക്കടവ് കുരങ്ങൻമലയിൽ മിന്നലേറ്റ് 13കാരി മരിച്ചു. കട്ടപ്പന ഉപ്പുതറ മത്തായിപ്പാറ പ്ലാമൂട് പുത്തൻപുരയിൽ പി.ആർ. രാജേഷിെൻറ മകൾ അക്ഷയ രാജേഷാണ് മരിച്ചത്. ചൊവ്വാഴ്ച ഉച്ചക്ക് രണ്ടോടെയായിരുന്നു അപകടം. കുരങ്ങൻമലയിൽ ബന്ധുവീട്ടിലെത്തിയതായിരുന്നു.ശക്തമായ ഇടിയും മഴയും ഉണ്ടായപ്പോൾ പുറത്തുനിന്ന് വീട്ടിലേക്ക് കയറുംവഴിയാണ് രണ്ടുതവണ മിന്നലേറ്റത്. ഉടൻ പൊൻകുന്നത്തെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. വീടിനകത്തുണ്ടായിരുന്ന രാധമ്മ, പേരക്കുട്ടി ദിശ എന്നിവർക്കും പരിക്കേറ്റു. ഏലപ്പാറയിലെ കോൺവൻറ് സ്‌കൂളിലെ എട്ടാം ക്ലാസ് വിദ്യാർഥിനിയാണ് അക്ഷയ. സഹോദരൻ: അഭിജിത്ത്.
