ഗാന്ധിനഗർ: കോട്ടയം മെഡിക്കൽ കോളജ് ആശുപത്രിയിൽ കോവിഡ് നിരീക്ഷണ വിഭാഗത്തിൽ കഴിഞ്ഞിരുന്നയാൾ മരിച്ചു.
ചേർത്തല പട്ടണക്കാട് പൊന്നാംവെളി കൊച്ചടി നികർത്തിൽ അശോകനാണ് (55) മരിച്ചത്. നാലുമാസം മുമ്പ് മെഡിക്കൽ കോളജ് ആശുപത്രിയിലെ ന്യൂറോ സർജറി വിഭാഗത്തിൽ ചികിത്സക്കുശേഷം വീട്ടിൽ കഴിയുകയായിരുന്നു. ഞായറാഴ്ച പനിയും ജലദോഷവും ഉണ്ടായതിനെത്തുടർന്ന് മെഡിക്കൽ കോളജ് അത്യാഹിത വിഭാഗത്തിൽ എത്തിച്ചു. തിങ്കളാഴ്ച രാത്രി 11.30ന് മരിച്ചു. മരണശേഷമാണ് കോവിഡ് സ്ഥിരീകരിച്ചത്. മൃതദേഹം കോവിഡ് പ്രോട്ടോകോൾ പ്രകാരം ചേർത്തല അരൂക്കുറ്റി പഞ്ചായത്ത് പൊതുശ്മശാനത്തിൽ സംസ്കരിച്ചു. ഭാര്യ: മഹിളാമണി. മക്കൾ: അശ്വതി, ആതിര. മരുമകൻ: മനീഷ്.