എരുമേലി: ഓട്ടോ മറിഞ്ഞ് പിണ്ണാക്കനാട് സ്വദേശി ഇലവുങ്കൽ പി. ദിലീപ് കുമാർ (30) മരിച്ചു. ഞായറാഴ്ച വൈകീട്ട് 6.30ഓടെ മുണ്ടക്കയം പാതയിൽ ചരളക്ക് സമീപമാണ് അപകടം. ബസ് കണ്ടക്ടറായ ഇദ്ദേഹം തിങ്കളാഴ്ച ജോലിയിൽ പ്രവേശിക്കുന്നതിന് മുക്കൂട്ടുതറയിലേക്ക് പോകുംവഴിയാണ് അപകടം. നിയന്ത്രണംതെറ്റിയ ഓട്ടോ റോഡിൽ മറിഞ്ഞശേഷം നിരങ്ങിനീങ്ങി വൈദ്യുതി തൂണിൽ ഇടിച്ചുനിൽക്കുകയായിരുന്നെന്ന് ദൃക്സാക്ഷികൾ പറഞ്ഞു. ഓടിയെത്തിയ നാട്ടുകാർ ഓട്ടോ ഉയർത്തിയശേഷം ദിലീപ് കുമാറിനെ പുറത്തെടുക്കുകയായിരുന്നു. ഉടൻ കാഞ്ഞിരപ്പള്ളി ജനറൽ ആശുപത്രിയിൽ എത്തിച്ചെങ്കിലും മരിച്ചു. ഭാര്യ: സുധി. മകൻ: ദ്രുതുദേവ്.
