കോട്ടയം: പാമ്പാടിയിൽ ബൈക്കുകൾ നേർക്കുനേർ കൂട്ടിയിടിച്ച് യുവാവ് മരിച്ചു. മല്ലപ്പള്ളി ആനിക്കാട് തുണ്ടിയിൽ അജേഷാണ് (30) മരിച്ചത്. ഞായറാഴ്ച 7.40ഓടെ പാമ്പാടി ആലാംപള്ളി-മാന്തുരുത്തി റോഡിൽ പൊത്തൻപുറം കവലയിലായിരുന്നു അപകടം. ഇടിയുടെ ആഘാതത്തിൽ റോഡിലേക്ക് തെറിച്ചുവീണ അജേഷിെൻറ തലക്ക് ഗുരുതര പരിക്കേറ്റു. നാട്ടുകാർ ഉടൻ പാമ്പാടി താലൂക്ക് ആശുപത്രിയിലെത്തിച്ചെങ്കിലും അജേഷ് മരിച്ചിരുന്നു. എതിർദിശയലെത്തിയ ബൈക്ക് യാത്രക്കാരൻ പാമ്പാടി എസ്.എൻപുരം സ്വദേശി ബിനുവിനും പരിക്കേറ്റു. ഇയാളെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇയാളുടെ കാലിനാണ് പരിക്കേറ്റത്. പാമ്പാടിയിലുള്ള ബന്ധുവീട്ടിൽ വന്നശേഷം മല്ലപ്പള്ളിയിലേക്ക് മടങ്ങുകയായിരുന്നു അജേഷ്. അജേഷിെൻറ ഭാര്യ: വിജി. മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.
