കൊടുങ്ങല്ലൂർ: എസ്.എൻ പുരം പനങ്ങാട്ട് കണ്ടെയ്നർ ലോറി സ്കൂട്ടറിലിടിച്ച് വീട്ടമ്മ മരിച്ചു. എറിയാട് പഞ്ചായത്ത് മുൻ വൈസ് പ്രസിഡൻറ് ദീപ പ്രതാപനാണ് (49) മരിച്ചത്. സ്കൂട്ടർ ഓടിച്ചിരുന്ന എറിയാട് ഏറ്റത്ത് ലെനിെൻറ ഭാര്യ സീനക്ക് (47) പരിക്കേറ്റു. ഇവരെ കൊടുങ്ങല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ദീപ പ്രതാപൻ സംഭവസ്ഥലത്തുതന്നെ മരിച്ചു. വെള്ളിയാഴ്ച വൈകീട്ട് അഞ്ചോടെയായിരുന്നു അപകടം. ദീപ അഴീക്കോട് മുനക്കൽ ബീച്ചിൽ ലൈഫ് ഗാർഡായ എറിയാട് വലിയപറമ്പിൽ പ്രതാപെൻറ ഭാര്യയും സി.പി.ഐ ലോക്കൽ കമ്മിറ്റി മുൻ അംഗവുമാണ്. ഇപ്പോൾ കൂളിമുട്ടം പൊക്കായിയിലാണ് താമസം. സംസ്കാരം ശനിയാഴ്ച നടക്കും. മക്കൾ: ജിഷ്ണു, ശ്രീക്കുട്ടി. മരുമകൻ: രതീഷ്.