പാലാ: ഫ്രിഡ്ജ് തുറക്കവേ ഗൃഹനാഥൻ ഷോക്കേറ്റ് മരിച്ചു. ചേർപ്പുങ്കൽ മാറിയിടം വേങ്ങപ്പള്ളിൽ വി.കെ. സാബുവാണ് (52) മരിച്ചത്. ഇന്നലെ ഉച്ചക്ക് രണ്ടോടെയായിരുന്നു സംഭവം. തകരാറിലായിരുന്ന ഫ്രിഡ്ജ് തുറന്ന് നന്നാക്കാൻ ശ്രമിക്കവേയാണ് ഷോക്കേറ്റത്. ഉടൻ ചേർപ്പുങ്കൽ മെഡിസിറ്റിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: കുറവിലങ്ങാട് കുര്യംതുണ്ടത്തിൽ കുടുംബാംഗം ജലജ. മക്കൾ: സനൽ (ബഹ്റൈൻ), സജൻ (ബിസിനസ്). മരുമക്കൾ: സൂര്യ (ബഹ്റൈൻ), അഞ്ജന (അധ്യാപിക). സംസ്കാരം പിന്നീട്.
